Премиерот Оливер Спаосовски соопшти дека Владата на својата седница донела одлука за прогласување на вонредна состојба во Македонија, со цел справување со состојбата со коронавирусот.
– Владата веќе нема ниту најмала дилема. Затоа на денешната седница предложивме да воведеме вонредна состојва, сега и веднаш. Мерките ги дадоа очекуваните мерки, но тие мерки треба да се заострат со воведување вонредна состојба за да спречиме уште поголем пик. Убедени сме дека тоа може да се спречи само со вонредна состојба, истакна Спасовски на прес-конференција во Владата.
Тој нагалси дека Собранието прогласува вонредна состојба, но ако е распуштено, постои уставна одредба дека претседателот може да прогласи вонредна состојба во траење од 30 дена.
Спасовски нагласи дека ова ќе биде првпат да се воведе ваква мерка во историјата на нашата држава и тоа е една од најтешките одлуки што ги донела која било влада.
– Ништо веќе не е исто. Животот радикално се промени како кај нас, така и во целиот свет. Потребно е секој да се приспособи, истакна Спасовски, додавајќи дека само со вонредна состојба Владата ќе може непречено да делува во борба против вирусот.
