Ковачевски не само што ги доведува во заблуда медиумите и јавноста, туку тој гази на многу сомнителни штици, рече на прес конференција портпаролот на ВМРО-ДПМНЕ, Наум Стоилковски.
Тој побара Димитар Ковачевски да се извини за лагата за неговото образование.
-Ова е профилот на Димитар Ковачевски на мрежата ЛинкдИн, социјална мрежа за бизнис и вработување, на која се оставаат своите професионални биографии во потрага за работа. Во самото заглавие на Ковачевски стои, „заменик министер за финансии, универзитетски професор“, па веднаш под тоа стои и наведен е „Харвард Бизнис училиште“. Ковачевски Харвард го ставил и во делот на образование. Не во делот на обуки, тренинзи, курсеви туку во образование. Почитувани, човек што лаже за својата биографија и образование, е спремен да лаже за се’. Ковачевски е човек од Харвард, колку што Зоран Заев е Нобеловец. Ковачевски молчеше кога образованието на Харвард му ги креваше акциите, кога го ставаа на насловни страници на весници. Ковачевски се буни кога ќе му ја побарате дипломата од Харвард. Вистината излегува на виделина. Ковачевски не завршил на Харвард, Ковачевски бил на тридневен курс за којшто, каде ниту има приемен, ниту се полага завршен испит, ниту има диплома потоа, а се плаќа скапо. Почитувани, Ковачевски е резултат на заевизмот, Ковачевски е поставен да го продолжи заевизмот, лагите, ставен е да ги продолжи поразите на Македонија, истакна Стоилковски.
Нема ништо полошо од заевизмот, за Македонија нема полошо од СДСМ, додаде тој.
