„Предвидени се субвенции за 45 илјади граѓани, кои ќе добиваат по илјада денари месечи за покривање на трошоците за електрична енергија и огрев“ потенцираше Димитар Ковачевски, заменик-министерот за финансии, во „24 анализа“ на ТВ24.
Ковачевски е избор на Заев за негов наследник во СДСМ и на премиерското место.
Тој потенцираше дека вакви средства се предвидени и со буџетот за идната година, а како помош за граѓаните за полесно носење со европската енергетска криза, Ковачевски истка дека било и намалувањето на ДДВ на струјата од 18 на 5 проценти.
„Кризата кај нас добива посебна специфика бидејќи во енергетскиот систем 30 години не е инвестирано во нов голем енергетски капацитет. Се што имаме е од времето на бивша Југославија, што не е ефикасно како што треба да биде“ кажа Ковачевски.
Тој додаде дека и во договорот за владиното партнерство со Алтернатива, било потенцирано дека во наредната година не смее да се дозволи поголемо покачување на електричната енергија од 20 отсто.
