ДЕНЕСКА Е СВ. ПРОРОК АГЕЈ: Пророкуваше 470 години пред Христа дека во обновениот храм во Ерусалим ќе се јави Господ Спасителот

Денеска е 16 декември (по стар стил) и се слави Св. пророк Агеј.

Роден е во Вавилон, за време на робувањето на Израилот, од племето Левиево. Пророкуваше 470 години пред Христа.

Како млад го посети Eрусалим. Ги поттикнуваше Зоровавел и свештеникот Исус да го обноват храмот Господов пророкувајќи му на тој храм поголема слава од поранешниот храм Соломонов. „Славата на овој последен храм ќе биде поголема отколку на поранешниот, вели Господ над војските“ (Агеј 2, 9). Зашто во новиот храм ќе се јави Господ Спасителот.

Овој пророк доживеа да види еден изграден дел од храмот, што го почна Зоровавел. Се упокои на старост.