Палестинското милитантно движење Хамас го предупреди Израел дека планираната офанзива за заземање на градот Газа ќе ги изложи заложниците во таа област на истите ризици како и борците на ова движење, пренесуваат израелските медиуми.
– Ќе се грижиме за затворениците најдобро што можеме, а тие ќе бидат заедно со нашите борци во зоните на конфликт, изложени на истите ризици и животни услови, соопшти портпаролот на вооруженото крило на Хамас, Абу Обеида, пренесе „Тајмс оф Израел“.
Израел претходно соопшти дека се подготвува да почне нова офанзива врз градот Газа, кој го опиша како последно упориште на Хамас.
Во градот во моментов живее околу половина од двата милиони жители на Газа, а израелските власти наведоа дека на нив ќе им биде кажано да се евакуираат.
Фото: архива
