Најмалку 35 луѓе загинаа, а 45 се повреди во пожар кој избувал во црква во египетскиот град Гиза, јавува Ројтерс.
До пожарот најверојатно дошло поради неисправна инсталација, а се случи во момент кога околу 5.000 верници се наоѓале на миса. По избувнувањето настанало човечко стампедо.
Повредените лица се хоспитализирани. Пожарот се уште не е изгаснат.
Надлежните информираат дека сите екипи се мобилизирани.
Најмалку 41 загинат во пожар во коптска црква во Египет
Најмалку 41 лице загина во пожар во коптска црква во Гиза во близина на Каиро, соопшти денеска Коптската православна црква во Египет.
Извор од Министерството за здравство за ДПА го потврди бројот на починати.
– Бројот на починати се зголеми откако неколку лица повредени во пожарот им подлегнаа на повредите, додаде изворот, кој побарал да не биде именуван бидејќи не е овластен да зборува за медиумите.
Коптската црква соопшти дека пожарот избувнал за време на утринската миса во црквата Або Сефеин во градот Гиза, при што загинале најмалку 41, а 14 лица се повредени.
Пожарот избувнал поради неисправно електрично коло предизвикано од клима уред во зградата на црквата, соопшти Министерството за внатрешни работи.
Пожарот подоцна беше ставен под контрола, се додава во соопштението на Министерството. Во инцидентот се повредени пет лица од цивилната одбрана.
