ТРАГИЧЕН ПОЖАР ВО СРБИЈА: Загинаа цело семејство од 6 лица во куќа во Нови Сад, меѓу кои се и 4 деца на возраст од 2 до 7 години

Во пожар во Нови Сад што избувна утрово во семејна куќа загинаа шест луѓе, меѓу кои четири деца.

„Во пожарот што избувна утринава, околу три часот, во куќата на улицата „Ѓорѓа Дера“, загинаа шест лица, меѓу кои четири деца на возраст од две до седум години“, изјави српскиот министер за внатрешни работи.

Сите жртви се од едно семејство. Децата биле на возраст од седум, пет, четири и две години.

Пожарот е изгаснат, а полицијата и јавниот обвинител извршиле увид на местото на трагедијата.

Според првичните информации, пожарот најверојатно го предизвикал скутер што бил приклучен на електричната мрежа.

Фото: принтскрин 192.рс