Американскиот претседател Доналд Трамп изјави дека телефонски разговарал со неговиот руски колега Владимир Путин. Според американскиот лидер, Путин е загрижен поради можното воведување нови казнени мерки од САД против Русија и е свесен дека тоа може да се случи.
Трамп, кој вчера имаше телефонски разговор и со украинскиот претседател Володимир Зеленски, изјави дека со него разговарал за можноста за испраќање ракетни системи за воздушна одбрана „Патриот“ во Украина.
