Времето денеска ќе биде променливо облачно со локален слаб дожд, а на планините и на некои од повисоките места со врнежи од слаб снег. Ќе дува слаб до умерен, а долж Повардарието и во источните делови засилен ветер од северен правец, со над 60 километри на час, информира Управата за хидрометеоролошки работи.
Минималната температура ќе биде во интервал од -6 до 2, а максималната ќе достигне од 4 до 13 степени.
Во Скопје ќе биде променливо облачно време, претпладне со врнежи од слаб дожд. Ќе дува умерен до засилен ветер од северен правец. Минималната температура ќе се спушти до -1, а максималната ќе достигне до 10 степени.
Во недела ќе се задржи променливо облачно и постудено време. На планините и на некои од повисоките места ќе има врнежи од слаб снег. Ќе дува умерен, а долж Повардарието и во источните делови засилен ветер од северен правец со над 60 километри на час.
Од понеделник ќе преовладува стабилно време со ниски утрински температури.
Најниска температура утрово е измерена во Берово – 7 степени, во Битола – 5, на Попова Шапка -4, во Крива Паланка, Прилеп, Демир Капија и Струмица – 3, во Скопје-Петровец, Тетово, Охрид, Претор, Штип, Крушево, Дебар и Маврови Анови – 2, Виница, Кавадарци и Велес -1, Скопје-Зајчев Рид и Куманово 0, Дојран и Гевгелија 4 степени.
Најмногу снег има во Маврови Анови 12 сантиметри, во Дебар седум, во Крушево и Ѓуриште шест, во Битола и Попова Шапка пет, во Тетово и Охрид два сантиметри.
Времето денеска е променливо облачно со локален слаб дожд, а на планините и на некои од повисоките места со врнежи од слаб снег. Ќе дува слаб до умерен, а долж Повардарието и во источните делови засилен ветер од северен правец (над 60 km/h). Максималната температура ќе биде во интервал од 4 до 13 степени.
Во Скопје времето ќе биде променливо облачно, претпладне со врнежи од слаб дожд. Ќе дува умерен до засилен ветер од северен правец. Максималната температура ќе достигне 10 степени.
