Безбедносната служба на Украина (ССУ) спроведе нова, невидена специјална операција на повеќе од 2.000 километри од територијата на Украина, објавија украинските медиуми, повикувајќи се на претставник на ССУ.
Како дел од повеќестепена операција во неутралните води на Средоземното Море, Центарот за специјални операции Алфа на ССУ изврши удар со беспилотни летала врз рускиот танкер КЕНДИЛ, дел од таканаречената „флота во сенка“.
-За време на специјалната операција, рускиот брод не носел никаков товар и бил празен. Нападот не претставувал закана за животната средина во регионот. „Русија го користела овој танкер за да ги заобиколи санкциите и да генерира средства што биле насочени кон војната против Украина. Затоа, од гледна точка на меѓународното право и законите и обичаите на војување, ова е апсолутно легитимна цел за ССУ. Непријателот мора да разбере дека Украина нема да застане и ќе го нападне насекаде во светот, каде и да е, се додава во соопштението.
Како резултат на нападот, рускиот танкер претрпе сериозна штета и повеќе не може да се користи за намената.
фото: Принтскрин
