Фудбалерите на скопски Вардар денеска на православните христијани им го честитаа верскиот празник Водици од водите на Медитеранот.
Како што пишува Спрот медиа, сите играчи на најтрофејниот македонски тим се капеа во Средоземното Море, и на тој начин на сите верници им го честитаа денешниот празник.
Вардарци се на подготовки во Анталија во Турција, каде од утре ја почнуваат серијата на пријателски средби. Прв противник на Вардарци ќе биде тимот на Хајдук од Сплит.
