Роберт КЕНЕДИ ЈУНИОР
На пример, најраспространетата вакцина во светот е вакцината DTP – против дифтерија, тетанус и пертусис (голема кашлица).
Ние ја забранивме, односно ја исфрливме од употреба во оваа земја, бидејќи предизвикувала несакани последици кај децата – оштетувања на мозокот, тешки мозочни повреди, па дури и смрт кај едно од секои 300 деца.
Ја користевме во осумдесеттите години и токму затоа имаше бројни судски постапки против производителите на вакцини. Тоа доведе до донесување на Законот за вакцини, со кој производителите потоа добија имунитет од правна одговорност.
И покрај тоа секоја година им ја даваме на 161 милиони африкански деца.
Бил Гејтс побарал од данската влада да ја поддржи таа програма, тврдејќи дека таа спасила 30 милиони животи.
Данската влада му одговорила: „Покажете ни ги податоците“.
Тој не бил во можност да го направи тоа. Затоа, Данците испратиле свои истражувачи во Африка за да спроведат независни истражувања. Тие анализирале 30 години податоци за вакцината DTP.
Она што го откриле ги шокирало сите.
Утврдиле дека девојчињата кои ја примиле вакцината DTP умирале со десет пати поголема стапка од невакцинираните девојчиња. Но, умирале од болести кои никој дотогаш не ги поврзувал со вакцината.
Умирале од дијареја, анемија, маларија, билхарзија (паразитска болест), белодробни заболувања, респираторни заболувања и пневмонија.
И никој во текот на 30 години не забележал дека умираат вакцинираните девојчиња, а не оние кои не биле вакцинирани.
Она што всушност се случило, според ова тврдење, е дека девојчињата не умирале од дифтерија, тетанус и пертусис. Вакцината ги заштитила од тие болести, но истовремено им го нарушила имунолошкиот систем, па нивните организми не можеле да се одбранат од други, навидум полесни заболувања, со кои децата со здрав и функционален имунолошки систем успевале да се справат.
Токму затоа се потребни долгорочни истражувања. И токму затоа сум загрижен што такви истражувања не се спроведуваат овде, во Соединетите Американски Држави.
