Власта се подготвува за покачување на цената на струјата од над 20 отсто, неизвесно кога ќе се активира и ТЕЦ Неготино, соопшти денеска ВМРО-ДПМНЕ.
-Според информациите кои излегоа во јавноста, а власта не ги демантираше изречно АД ЕЛЕМ побарало покачување на струјата од над 20 отсто, а дополнително се чека и на МЕПСО. Според едноставни пресметки во најдобар случај со оваа влада на чело на државата од јануари, граѓанин кој плаќал 3.000 денари струја, ќе треба да плати минимум 3.600 денари. Само за струја ќе треба да се одвојува нешто повеќе од 1/5 од минималната плата. Покачување од 20 отсто или повеќе ќе биде тежок удар за народот. Власта не направи ништо да го спречи струјниот ценовен шок. Власта не ја активираше навремено ТЕЦ Неготино, ниту пак ископа јаглен во РЕК Битола кога требаше са се копа, се потроши водата од хидроакумулациите и државата се остави без ресурси, се вели во соопштението.
Од опозициската партија додаваат дека Во РЕК Битола не се копаше јаглен затоа што парите се трошеа на тендери за транспорт и други непродуктивни работи.
-Со вака неспремен енергетски сектор катастрофата која што може да ни се случи може да биде уште поголема. Затоа СДСМ не е решение, бидејќи тие се проблемот и треба да си заминат, велат од ВМРО-ДПМНЕ.
