СДСМ и Љупчо Николовски ги множат штипјани со нула и воопшто не ги интересира здравјето на граѓаните, се вели во вечерашната реакција од ВМРО-ДПМНЕ, во врска со неодложувањето на изборите за градоначалник на Штип.
– Тие се опасност за здравјето на граѓаните во Штип. Да се има избори во Штип значи нови заразени и мртви во Штип од корона. Не постои нешто како сигурни избори и заштитено здравје. Или ќе има избори и многу заразени и мртви или ќе има одложени избори и заштитено здравје. Тоа што СДСМ е осамена во намерата за избори во Штип значи дека тие сакаат на мала врата по цена на здравјето на штипјани да ја сочуваат фотелјата на Бочварски и Заев. Наместо Николовски да глуми експерт по здравје нека земе да работи за борба против корупцијата која ја има во изобилие. Нема штипјанец кој го одобрува ова мафијашење на СДСМ и играње со здравјето на сите, се вели во реакцијата на ВМРО-ДПМНЕ на интервјуто на Љупчо Николовски за ТВ Стар.
