Обелоденување на документи и докази за луксузната хациенда на министерката за одбрана Славјанка Петровска, најавија за денеска од ВМРО-ДПМНЕ.
Од партијата велат дека Петровска и нејзиното семејство имаат пријавено живеалиште во хациендата со базен која Министерката за одбрана ја крие.
-Ќе обелодениме документи и докази дека Петровски се уште се во владение на луксузната хациенда со базен, која патем е дивоградба, а нејзиното бесправно градење е кривично дело. Стани Славјанка Петровска не бегај и дај си оставка веднаш. Лажеше дека хациендата не е твоја. Фатена си во лага. Хациендата со базен да ја подариш на здруженијата на бранители од 2001 година, објави Драган Ковачки од ВМРО-ДПМНЕ.
