Мафијата на власт не ја интересира ништо друго освен личното богатење, реагираат денеска од ВМРО-ДПМНЕ.
– Предизвикаа целосен колапс на образовниот систем во Македонија. Иако го одложија стартот на учебната година за еден месец, наместо да го искористат тој период да ги надминат предизвиците, тие создадоа уште поголеми проблеми. Скапо платената национална платформа која Заев и Царовска помпезно ја најавуваа доживеа целосно фијаско. На дело се виде целата неспособност и неодговорност на власта. Не само што не функционира системот, туку и он лајн наставата нема да можат да ја следат над 80 илјади ученици, затоа што Владата наместо да им обезбеди компјутери во овие 8 месеци парите ги трошеше на кондоми, лубриканти, шкампи и шампањ, се вели во соопштението.
И, се додава натаму во истото, наместо итно да ја решат оваа ситуација мафијата на власт со подбив најавува компјутери за деца дури после април, речиси пред крајот на учебната година.
– Ова е потценување на стотина илјади ученици и нивните родители и десетици илјади просветни работници кои не гледаат никаква извесност со оваа власт. Оваа мафија на власт нема ниту план, ниту стратегија, ниту волја да се решаваат проблемите. Затоа оставка од страна на министерката Мила Царовска е она кое што во најмала рака може да се очекува, се наведува во соопштението од ВМРО-ДПМНЕ.
