Република Македонија со СДСМ на власт стана земја на сиромаштија, криминал,  политички прогон и неправди.  За да ги покрие своите криминали, но и неспособноста да донесе подобар стандард за граѓаните, власта почна да креира црно сценарио на поделби и прогони. Политичкиот прогон во земјава стана секојдневие. Тие кои први го кренаа гласот против продажбата на државните интереси и погубните политики на Зоран Заев станаа и први жртви на заевизмот.

Ова се истакнува во денешното соопштение на ВМРО-ДПМНЕ.

– Недолжни граѓани ги полнат затворите, додека премиерот е ослободен за поткуп иако цела јавност виде како бара мито од 200.000 евра. Патриоти кои цел живот го посветиле за безбедноста на државата добиваат максимални казни затвор, а борци на ИСИС кои масакрирале луѓе добиваат три пати пониски казни. Додека власта со политички прогон си ги брани сопствените криминали, државата секојдневно тоне на секое можно поле. Економијата ни е закована на дното, а БДП е со најнизок раст во Европа и регионот.  Наместо да расте економијата, растат сиромаштијата, даноците и корупцијата. Нема 500 евра просечна плата, нема повисоки плати за лекарите и професорите, нема повисоки пензии, нема ни подобар стандард за младите, но затоа има вработувања за блиските и фризерките на функционерите од власта, се вели во соопштението.

Власта, се додава натаму, ветуваше иднина за младите, но во реалноста го забрза иселувањето.

– Над 140.000 млади живеат под прагот на сиромаштијата и единствено што размислуваат е како побрзо да ја напуштат државата. Ветуваа подобро здравство, а донесоа здравство во кое умираат луѓе и се местат матни тендери. Нема пари, за пензионерите, но има за луксузите на власта. Власта која викаше дека ќе ни го зацврсти идентитетот, всушност го смени името на државата  и ги присили сите институции и столбови на државноста да го променат името и да го изгубат својот институционален идентитет. СДСМ и Заев донесоа само неправди, криминал и нечесност на секој чекор, а тоа не носи иднина за граѓаните и државата. Токму затоа граѓаните ќе се спротивстават  на заевизмот и ќе се изборат за правда, владеење на правото и подобра иднина за себе и идните генерации и за Република Македонија, соопшти ВМРО-ДПМНЕ.