Седумдесет и девет ученици беа киднапирани денеска во регион на Камерун каде најмногу се зборува англиски јазик и каде сепаратистите водат оружена кампања за независност, соопшти владин извор.
Учениците беа киднапирани заедно со нивниот директор, учител и возач.
Потрагата по киднапираните е почната – секој човек е повикан, изјави владин извор говорејќи по кризниот состанок.
Киднапирањето се случува по изборите на 7 октомври, на кои 85-годишниот претседател Пол Бија, кој владее со земјата 35 години, го обезбеди седмиот мандат на функцијата.
Околу една петтина од 22 милиони жители на Камерун зборуваат англиски јазик – малцинство чие присуство датира од колонијалниот период.
