Откако ги потиснаа украинските војници од Курската област, руските војници ја преминаа границата со Украина и напредуваат кон градот Суми, според Волстрит џурнал, тврдејќи дека украинскиот пограничен регион Суми е новата цел на Москва, а Кремљ ја користи својата „предност во човечката сила“.
Според украинската војска, Русија собрала 50.000 војници во областа, надминувајќи ги украинските сили по бројност за околу три спрема еден.
Според Волстрит џурнал, линијата на фронтот е проширена за повеќе од 150 километри во текот на изминатата година и сега се протега на повеќе од 1.200 километри од североисток до југ од Украина.
Руските војници испитуваат повеќе точки по линијата на фронтот и напаѓаат со полна сила кога ќе откријат слаба точка, што ги натера украинските сили итно да ги префрлат своите елитни единици, според „Њујорк тајмс“.
фото: ЕПА архива
