Времето денеска во Македонија ќе биде сончево и тивко со мала до умерена облачност, а претпладне ќе има појава на магла или ниска облачност по одделни котлини. Минималната температура ќе биде од -3 до 3, а максималната од 6 до 11 степени.
Во Скопје претпладне со појава на магла или ниска облачност, преку денот сончево и тивко со умерена облачност. Минималната температура ќе се спушти до 1, а максималната ќе достигне 9 степени.
Според УХМР, следува период на променливо облачно и претежно тивко време со појава на магла и ниска облачност по одделни котлини. Од среда кон крајот на денот и во следните денови ќе има повремени врнежи од дожд, а на планините и на повисоките места од снег.
Најниска температура од -3 степени Целзиусови утрово е измерена на Попова Шапка. Следат Маврови Анови и Берово со -1 степен, 0 во Скопје-Зајчев Рид, Скопје-Петровец, Крива Паланка, Крушево, 1 Битола, Куманово, Тетово, Претор, 2 Прилеп, Охрид, Виница, 3 Штип, Струмица, Велес, 4 Кавадарци, Демир Капија и 6 степени во Гевгелија.
Најмногу воден талог за изминатите 24 часа до 07 часот има наврнато во Лазарополе – 4 л/м2, 1 л/м2 во Маврови Анови и на Попова Шапка.
Висината на снежната покривка во 07 часот (во сm) изнесува 54 см во Маврови Анови, 42 Попова Шапка, 27 Крушево и 1 см во Берово.
