На Попова Шапка утрово се измерени два степени Целзиусови, во Демир Капија 14 степени.
Во Берово се измерени три степени, 6 во Крива Паланка, Крушево и Лазарополе, 7 степени во Маврови Анови, 8 Струмица, 9 Претор, 10 степени во Прилеп и Виница, 11 Тетово, Охрид и Битола, 12 степени во Штип, Куманово, Дебар и Кавадарци и 13 степени Целзиусови во Скопје-Петровец, Скопје-Зајчев Рид, Велес и Гевгелија.
Од УХМР соопштија дека во текот на ноќта и утрово преовладува облачно време, во југозападните делови со сончеви периоди. Дува слаб до умерен југоисточен ветер.
Времето денеска ќе биде променливо облачно со сончеви периоди. Кон крајот на денот облачноста ќе се намали. Ќе дува слаб до умерен ветер од југоисточен правец.
Максималната температура ќе достигне од 15 до 21 степен.
Во Скопје времето ќе биде променливо облачно со сончеви периоди и со слаб до умерен ветер од југоисточен правец. Максималната температура ќе достигне до 21 степен.
Од УХМР најавија дека следува период во кој ќе преовладува стабилно и претежно тивко време со ниски утрински температури кои наместа ќе се спуштаат до некој степен под нула. По одделни котлини ќе има услови за појава на утринска магла или ниска облачност, а до средината на работната недела дневната температура ќе биде во благ пораст.
