ВРЕМЕ: Сончево и топло до 34 степени, слично утре и задутре, потоа услови за нестабилност со дожд и грмежи и благ пораст на температурите

Времето денеска ќе биде претежно сончево и топло. Ќе дува слаб до умерен ветер од северен правец.

Минималната температура ќе биде во интервал од 7 до 19, а максималната ќе достигне од 25 до 34 степени.

Во Скопје, сончево и топло со слаб до умерен ветер од северен правец. Минималната температура ќе се спушти до 15, а максималната ќе достигне до 32 степена.

Во следните два дена времето ќе биде претежно сончево и топло. Од средината на следната седмица ќе има зголемена облачност со услови за изолирана појава на нестабилност со краткотраен дожд и грмежи. Дневните температури ќе бидат во благ пораст.

Фото: МИА архива