Времето во Македонија денеска ќе биде сончево и многу топло со мала до умерена облачност.
Попладне ќе има локална појава на пороен дожд и грмежи, а ќе има и услови за појава на невреме со интензивен пороен дожд, силен ветер и град. Минималната температура ќе биде од 15 до 22, а максималната од 32 до 39 степени. UV=8
Во Скопје сончево и многу топло со мала до умерена облачност. Попладне во делови од котлината ќе има услови за појава на пороен дожд, грмежи и засилен ветер. Минималната температура ќе се спушти до 21, а максималната ќе достигне 37 степени.
Според УХМР, од понеделник во попладневните часови ќе има честа појава на пороен дожд и грмежи. Локално процесите ќе бидат во форма на невреме со интензивен пороен дожд, силен ветер и град. Ќе се задржи топло време, но со постепено опаѓање на дневната температура.
Утрово е најсвежо во Лазарополе, 14 степени, а најтопло, 25 степени, е во Демир Капија. До 08:30 часот се измерени и 16 степени во Берово, 17 во Маврови Анови и Попова Шапка, 18 во Крива Паланка, 19 во Охрид, Претор и Крушево, 20 во Битола и Тетово, 21 во Прилеп и Струмица, 22 во Скопје-Петровец, Гевгелија, Кавадарци, Виница, Куманово и Дојран, 23 во Штип и Велес, како и 24 во Скопје – Зајчев Рид.
