Нестабилно време со локален пороен дожд, грмежи и засилен ветер, најавуваат метеролозите за утре во Македонија, а од среда стабилизирање и пораст на температурата.
Утре локално процесите ќе бидат поинтензивни и во форма на невреме со пообилен дожд, силен ветер и појава на град. Температурата ќе се движи утринската од 13 до 20, дневната од 24 до 34 степени.
Од среда повторно ќе преовладува сончево и топло време со повремена умерена облачност и со пораст на температурата, која ќе достигне и до 38 степени.
