ВРЕМЕТО ДЕНЕСКА: Сончево со температура до 35 степени и УВ индекс 8, следува период на топло време со локални појави на нестабилност

Времето во Македонија ќе биде сончево и топло со мала до умерена облачност и со слаб до умерен ветер од северен правец.

Попладне особено во западните делови ќе има појава на краткотраен пороен дожд и грмежи. Минималната температура ќе биде во интервал од 10 до 17, а максималната ќе достигне од 28 до 35 степени. УВ=8

Во Скопје, претпладне сончево и топло со мала до умерена облачност и со слаб ветер од променлив правец, а од пладневните часови ќе има појава на краткотрајна нестабилност со повремен пороен дожд и грмежи. Минималната температура ќе се спушти до 15, а максималната ќе достигне до 33 степени.

Следува период на топло време, повремено со изолирана појава на нестабилност во попладневните часови со појава на пороен дожд, грмежи и засилен ветер, особено за време на викендот и на почетокот на следната недела.