ВРЕМЕТО ДЕНЕСКА: Уште еден априлски ден со зимска температура од минус 1 до 16 степени и слаб дожд претежно во планинските подрачја

Времето во Македонија ќе биде променливо облачно со подолги сончеви периоди.

Претежно во планинските подрачја ќе има повремен слаб дожд. Ќе дува слаб јужен, а во западните делови умерен западен ветер. Минималната температура ќе биде во интервал од -1 до 3, а максималната ќе достигне од 8 до 16 степени.

Во Скопје променливо облачно со сончеви периоди и со слаб јужен ветер. Минималната температура ќе се спушти до 2, а максималната ќе достигне 14 степени.

Следува период на променливо облачно и потопло време со сончеви периоди. Наместа ќе има повремен локален дожд. Во четврток ќе настапи преодно стабилизирање на времето, а во петок и во деновите од викендот ќе има појава на локален пороен дожд и ретки грмежи. Минималните температури до среда наместа ќе се спуштат под нула.