ЗЕЛЕНСКИ: Легитимна цел за украинската војска е секој руски војник што се наоѓа во Запорожје, најголемата нуклеарна централа во Европа 

Украина е фокусирана кон руските војници кои пукаат во заземената нуклеарна централа на југот на земјата или ја користат како база од која се пука, изјави синоќа украинскиот претседател Володимир Зеленски.

Украина и Русија меѓусебно се обвинуваат за бројните неодамнешни инциденти со гранатирање на нуклеарната централа Запорожје, која е најголема во Европа.

Руските трупи ја зазедоа нуклеарката на почетокот на руската инвазија на Украина.

„Секој руски војник кој или пука во централата или пука користејќи ја нуклеарната централа како покритие, мора да разбере дека станува посебна цел за нашите разузнавачки агенти, за нашите специјални служби, за нашата војска“, рече Зеленски во своето полноќно видео обраќање.