Претседателот на Украина Володимир Зеленски денеска пристигна во Днепар, каде одржа теренски состанок на Врховниот Штаб, на кој се разговараше за ситуацијата на фронтот.
„Работниот ден го започнавме во Днепар. Теренски состанок во областа на одговорноста на групата сили Таври за ситуацијата на фронтот, напредокот во офанзивните и одбранбените операции… Главен фокус беше ставен на снабдувањето со муниција за нашите војници“, објави Зеленски на каналот Телеграм, пренесе Укринформ.
Според Зеленски, командантот на воздухопловните сили Николај Олешук известил за ефикасноста на користењето на постоечките системи за воздушна одбрана и зајакнувањето на воздушниот штит, земајќи ги предвид идните испораки.
