ЗЕМЈОТРЕС ВО АЛБАНИЈА: Потрес со јачина од 4,7 степени според Рихтеровата скала, епицентарот на 95 километри од Елбасан

Земјотрес со јачина од 4,7 степени според Рихтеровата скала ја погоди Албанија синоќа во 2 часот и 43 минути, соопшти Европскиот медитерански сеизмолошки центар (EMSC).

Земјотресот е регистриран на длабочина од пет километри, а епицентарот бил на 95 километри од градот Елбасан.

Се уште не е пријавена штета. Инаку, во текот на ноќта Албанија потоа беше погодена од уште три земјотреси со јачина од 3 степени според Рихтеровата скала.