Во текот на ноќта и претпладнево е облачно со пообилни врнежи од снег на повеќе места, а во средниот и долниот дел на Повардарието со врнежи претежно од дожд.
Висината на снежната покривка утрово во 7 часот изнесуваше 75 сантиметри на Попова Шапка, 61 во Маврови Анови, 58 во Крушево, 37 во Пожаране, 30 во Ѓуриште, 17 во Битола и Претор, 14 во Скопје, 4 во Тетово и Прилеп, 3 Охрид, 2 Берово и 1 сантиметар во Крива Паланка.
Минимални температури утрово се движеа од -6 на Попова Шапка, -4 Маврови Анови, -3 во Kрушево, -1 во Скопје, Прилеп и Претор, 0 во Петровец, Тетово, Битола, Охрид, Штип, Крива Паланка, Берово и Демир Капија, 1 во Виница, 3 во Струмица и Дојран и 4 степени во Гевгелија.
Во текот на денот ќе биде облачно и студено со врнежи од снег, а во централниот и долниот дел на Повардарието претежно од дожд. Пообилни врнежите се очекуваат во претпладневните часови, па до пладне снежната покривка во голем дел од земјава ќе се зголемува. Максималната температура ќе достигне од 1 до 6 степени.
Во Скопје облачно со врнежи од снег, особено претпладне и максимална температура до 4 степени.
Поради обилни врнежи од снег од вчера попладнево е воведена забрана за сообраќај на товарни моторни возила на превојот Пресека и на патните правци Гостивар – Стража и Крак Маврово – Дебар.
Како што соопшти АМСМ, поради снегот што се задржува на коловозот на регионалниот пат Тетово – Попова Шапка задолжително е користење на зимска опрема.
На останатите патни правци низ државата сообраќајот се одвива по влажни коловози. На повисоките места има кашест снег на коловозите по интервенција на дежурните екипи на Македонија пат во западните делови од државата врне снег, а во останатите делови врне дожд.
Интензитетот на сообраќај на патните правци надвор од градските средини е умерен, а на граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Најмногу снег наврна на Попова Шапка, Маврово и во Крушево
Во текот на ноќта и претпладнево е облачно со пообилни врнежи од снег на повеќе места, а во средниот и долниот дел на Повардарието со врнежи претежно од дожд.
Висината на снежната покривка утрово во 7 часот изнесуваше 75 сантиметри на Попова Шапка, 61 во Маврови Анови, 58 во Крушево, 37 во Пожаране, 30 во Ѓуриште, 17 во Битола и Претор, 14 во Скопје, 4 во Тетово и Прилеп, 3 Охрид, 2 Берово и 1 сантиметар во Крива Паланка.
Минимални температури утрово се движеа од -6 на Попова Шапка, -4 Маврови Анови, -3 во Kрушево, -1 во Скопје, Прилеп и Претор, 0 во Петровец, Тетово, Битола, Охрид, Штип, Крива Паланка, Берово и Демир Капија, 1 во Виница, 3 во Струмица и Дојран и 4 степени во Гевгелија.
Во текот на денот ќе биде облачно и студено со врнежи од снег, а во централниот и долниот дел на Повардарието претежно од дожд. Пообилни врнежите се очекуваат во претпладневните часови, па до пладне снежната покривка во голем дел од земјава ќе се зголемува. Максималната температура ќе достигне од 1 до 6 степени.
Во Скопје облачно со врнежи од снег, особено претпладне и максимална температура до 4 степени.
