Производителот на кукли Мател, најпознат по правењето кукли Барби, претстави родово неутрални кукли на својата веб страница, што значи не се дефинирани со фиксен пол како девојчиња или момчиња, туку детето може со додавање на облека, перики и додатоци да им одреди пол. Така, еден ден куклата може да биде девојче, а другиот ден момче.
Линијата се нарекува „Креативен свет“, која им праќа порака на децата дека нема определба, туку сè може да се организира според нашите желби.
Овие кукли се различни од класичните Барби, бидејќи нивните усни не се премногу полни, а нивните трепавици не се премногу долги. Тие исто така немаат гради како Барби, ниту широки рамења како Кен.
Мател вели дека линијата е насочена кон деца кои се идентификуваат како родово-флидна, што значи тие не го идентификуваат полот со фиксен пол како што е машки или женски.
Оваа вест особено ја воодушеви холандската министерка за образование Ингрид Ван Енгелшовен, која се пожали на многуте сексистички реклами, кои ги покажуваат девојките во кујна и момчињата преземаат потешки работи. „На фотографиите што ги гледаат нашите деца секој ден, девојките играат со кукли, додека момчињата прават експерименти. Девојките се грижливи, а момчињата се авантуристи. Кога ваквите слики се вградени во млади умови, скоро е невозможно да се променат кај децата кога ќе пораснат“, објаснува министерката.
На овој заклучок се придружи и француската министерка за економија Агнес Паниер-Рунахер, која верува дека многу играчки испраќаат подмолни пораки. „Да се откажеме од играчките кои промовираат стереотипи за момчиња и девојчиња“, вели Паниер-Рунахер.
