Еден од најдобрите фудбалери на светот, Кристијано Роналдо, има 34 години, но со начинот на живот им одолева на годините и далеку е од некакво пензионирање, а дека добро му оди доказ беше и голот против Сампдорија кога ја шутна топката со глава на висина од 256 сантиметри.
Неверојатниот скок на Португалецот го воодушеви светот, но не му е првпат да прави вакво нешто, бидејќи низ целата кариера вложува во себе. Неодамна тој изјави дека има 34 години, но дека телото му е како на некој 23-годишен.
По секој натпревар, Роналдо не оди дома да одмора и да гледа телевизија, туку плива, се разбира во базенот кој го има дома. Тој дома има и криотерапевтска комора која вреди 50.000 фунти и во неа минува три минути на температура од минус 160 до минус 200 степени за да ги закрепне мускулите по напорот. Јаде високопротеинска храна и спие по осум часа.
