Играчот од средниот ред на Барселона, Серхио Бускетс ги повикал своите соиграчи да останат мирни. Синоќа одиграа 2:2 со Атлетико, што го оддалечи тимот од битката за првото место.
– Ќе биде тешко да се бориме за титулата. Пропуштивме премногу предност. Реал Мадрид веројатно нема да изгуби поени бидејќи нивниот настап изгледа добро. Ако го победат Хетафе, ќе се оддалечиме од врвот на табелата, но мора да продолжиме да се обидуваме да победуваме натпревари и да не се откажуваме сè додека е математички можно да ја одбраниме нашата титула, рече Бускетс.
Доколку екипата на Зинедин Зидан го победи Хетафе на домашен терен, разликата ќе биде 4 бода при 5 кола до крајот.
