Ѕвездата на Арсенал, Пјер-Емерик Обамејанг навести на социјалната мрежа „Твитер“ дека ќе потпише нов договор за неколку дена со „топџиите“.
Напаѓачот има само 10 месеци до крајот на тековниот договор со „Емирати“ и неговото обновување со месеци беше тема бр.1 во „црвениот“ дел на Лондон. Стрелецот беше интегрален дел од тимот на Микел Артета минатата сезона, постигнувајќи импресивни 29 гола на 44 натпревари и му помогна на тимот да го освои ФА Купот.
Според авторитетното англиско издание „Телеграф“, Обамајанг веќе ги договорил условите на неговиот нов договор со клубот, што значи дека официјалната потврда за новиот договор може да се направи во рок од неколку дена.
Самиот напаѓач побрза да ги фрли навивачите на клубот во уште поголем делириум откако објави љубопитна порака на Твитер, посочувајќи дека ќе иницијализира со Арсенал многу брзо.
