Ерменија и областа Нагорно Карабах ги демантираа тврдењата на Азербејџан дека ерменски вооружени сили синоќа извршиле напад врз градот Мингачевир.
– Тоа е уште една дезинформација на Азербејџан, изјави портпаролката на ерменското Министерство за одбрана, Шушан Степањан.
Претходно Азербејџан ја обвини Ерменија дека гранатира градови во таа земја кои се надвор од зоната на конфликтот.
Хикмет Хајијев, помошник на азербејџанскиот претседател Илхам Алијев, истакна дека ерменските сили извршиле ракетен напад врз градовите Гања и Мингачевир.
