Намалувањето на бројот на новозаразени со коронавирус во последните неколку дена треба да нè охрабри, но не треба да се опуштаме, бидејќи има голем притисок врз болниците во Србија, особено на одделите за интензивна нега, потенцира српскиот епидемиолог Предраг Кон.
Тој рече дека иако здравствениот систем е преоптоварен, има и повеќе приеми отколку отпуштања од болници, но дека функционира и оти во моментов има голем број тешки и умерени случаи, како и дека состојбата во која се наоѓа земјата со ротирање на здравствениот персонал може да се спореди само со воена состојба.
– Ова е време на херојство во медицинскиот сектор. Се води паралелен живот – во еден има воена состојба, а во друг има и такви кои бегаат од тоа, кои сакаат да живеат нормален живот по секоја цена. И треба да се најде таа рамнотежа, рече Конна гостувањето во ТВ Прва.
Кон потенцираше дека треба да се има предвид дека смртноста се зголемува кога колабира здравствениот систем.
