Една жена на „Редит“ се пожали за својот проблем со поранешното момче со кое била во врска три години.
Дечкото ја оставил затоа што мислел дека го изневерува, а таа всушност измислувала дека оди во продавница или прави разни работи за да може мирно да јаде пилешки медалјони во Мекдоналдс.
Имено, нејзиното момче е веган, а таа, исто така, се согласила да стане веган кога се вселиле заедно, но сепак не можела да преживее без месо.
„Го правев тоа со месеци кога тој почна да се сомнева, а вчера експлодираше и ме обвини дека го изневерувам затоа што многу пати сум ја напуштила куќата и не сум му дозволила да оди со мене“, напиша таа.
“Потоа тој ми раскина. Секако дека му признав сè, но тој не ми верува. Мисли дека го лажам за Мекдоналдс и само се обидувам да го сокријам фактот дека спијам со друго момче. Како можам да докажам дека не е во право? Никогаш не сум помислила дека врската ќе ми се распадне поради нешто толку глупаво”.
На многумина нејзината приказна им беше смешна, а некои дури и даваа совети.
„Ако плаќаше во Мекдоналдс со картичка, покажете му го пописот на плаќања“.
Но, некој застана и во одбрана на сега веќе поранешното момче.
“Го лажеше, а искреноста е клучна за успешна врска. Кога правиш работи зад грбот на партнерот, сигурно ќе се случи нешто лошо. Научи нешто од ова и обиди се да бидеш искрена во идните врски затоа што лажењето може да доведе само до страдање“, и напиша тој.
