Натпреварот меѓу Филипче, Заев и Пендаровски кој повеќе ќе излаже, во Македонија нема вакцини, ама има повеќе од три илјади починати од корона, реагира денеска опозициската ВМРО-ДПМНЕ.
-На лагите кои ги кажуваат надлежните им нема крај! Заев и Филипче велат ќе има околу 20 илјади вакцини против корона од Фајзер.Пендаровски вели разговаравме со Фајзер и воопшто немаа во план да работат со нас мал пазар била Македонија! Ова веќе помеѓу нив очигледно е прашање кој повеќе ќе излаже. Но, фактот е еден има незначителни дози на вакцини и тоа дел се донација од Србија, а три илјади се набавени од Русија. Поради желбата за провизии на Филипче и Заев и покрај уплатен аванс за кинески вакцини, Македонија остана без истите. Кина им порача не го почитувавте протоколот, кај нас не може да набавувате вакцини преку фантом фирми, се вели во соопштението.
И не само тоа, се додава во реакцијата, Македонија остана без средства од европските фондови.
-Претседателката на Европската комисија, Урсула фон дер Лајен кажа дека се поделени 530 милиони евра за справување со последиците од корона кризата, ама поделени се на 19 земји меѓу кои ја нема Македонија. И додека власта прави пропусти на секој чекор, бројката на заразени со корона секој ден се зголемува. Се зголемува и бројот на починати и достигна 3.280 лица. Сето тоа се случува поради неспосoбноста на Филипче, Заев и Пендаровски кои наместо да се растрчаат и да најдат вакцини се грижат за личните интереси. За ова одговорност мора да има!- се вели во реакцијата од ВМРО-ДПМНЕ.
