Конзервативната партија на холандскиот премиер Марк Руте освои најмногу гласови на парламентарните избори, покажаа резултатите врз основа на излезни анкети.
Со тоа се зголемени шансите Руте (54), премиер од октомври 2010 година, да ја формира четвртата владејачка коалиција и да стане премиер со најдолг стаж во Холандија.
Според излезната анкета на Ипсос, Народната партија за слобода и демократија на Руте (ВВД) освои 36 од 150 пратенички места во Долниот дом, три повеќе отколку на последните избори, додека блиската центристичка партија Д66 треба да има 27 пратеници, осум повеќе отколку во 2017 година години, што ќе избие на второ место.
Екстремно десничарската, антиимигрантска партија за слобода на Герт Вилдерс, изгуби три места и ќе има 17 пратеници.
Друга крајно десничарска партија, Форумот за демократија, значително зајакна – ќе има осум наместо двајца пратеници.
На изборите учествуваа рекордни 37 партии, а според излезните анкети, 17 влегоа во Парламентот.
