Ригорозни казни се предвидени за грaѓаните кои од понеделник ќе бидат затекнати во локал, објект или на настан без потврда за примена вакцина против Ковид-19.
– Физичките лица, односно граѓаните, ќе плаќаат казна по 250 евра, а правното лице од 2.500 до 30.000 евра, во зависност од големината на објектот, плус 1.500 евра за одговорното лице, вели дирекоторката на Државниот пазарен инспекторат (ДПИ) Анета Симеска-Димоска.
Владата пред една недела донесе одлука која почнува да важи од 16 август со која се воведува задолжителна потврда за вакцинирање, најмалку една доза.
Се воведува задолжителна редарска служба заради контрола на потврдата за вакцинација при влез во секаков вид на објект, вклучително и во угостителски објекти, каде има повеќе од 30 присутни, за било каков настан (прослава, концерт, семинар, обука, работилница, конференција, културни или спортски настани).
Поседување потврда за имунизација се однесува на лица над 18-годишна возраст.
Директорката Симеска-Димоска за порталот СДК појаснува дека во нивна надлежност е да казнуваат и физички и правни лица за непочитување на мерки од Законот за заштита на населението, и дека ќе биде нивна проценка кога ќе бараат асистенција од МВР.
-Апелираме до граѓаните да ги почитуваат мерките за заштита на населението и да не влегуваат во објекти без сертификат за примена вакцина, изјави Симеска-Димоска за порталот СДК.
