Шилегов лаже, тој нема дозвола за надградба, Општина Карпош треба да ја руши зградата, се истакнува во денешната реакција на ВМРО-ДПМНЕ во врска со вчерашните хартии кои градоначалникот на Скопје, Петре Шилегов, ги покажуваше како дозвола за неговата градба.
Во продолжение целото соопштение од опозициската партија:
Се што покажа Петре Шилегов вчера е дозвола за реконструкција, а тоа е дозвола со која се дозволува ставање на нова фасада или изведување на градежни работи кои нема да го променат габаритот на зградата. За разлика од реконструкција, Шилегов направи надградба на уште два ката, нешто за што нема дозвола.
Шилегов има зграда која е повисока за два ката од сите останати куќи. Шилегов нема документ со кој ќе докаже дека зградата е изградена законски.
Општина Карпош треба да постапи согласно закон и да ја сруши дивоградбата на Шилегов.
Шилегов наместо да гради јавни добра, градел за себе и си го зголемувал имотот незаконски.
Време е за одговорност. Време е за промени.
Центар за комуникации со јавноста на ВМРО-ДПМНЕ
