Бројот на луѓе кои починале од Ковид-19 ширум светот надмина пет милиони, соопшти Универзитетот Џон Хопкинс, кој ги сумира податоците од државните и локалните власти, како и од медиумите и други сигурни извори.
Бројот на починати од Ковид-19 во светот денеска се искачи на 5.000.425 луѓе, додека бројот на заразени е над 246,7 милиони.
Најголем број на смртни случаи од последици од Ковид-19 регистрирани се во САД над 745.000. Следат Индија и Русија.
Вкупниот број на смртни случаи ширум светот достигна четири милиони на почетокот на јули и се зголеми за еден милион за помалку од четири месеци.
