Натпреварот од Премиерлигата меѓу екипите на Лестер и Норич, што требаше да се одигра утре, е одложен на барање на гостинскиот тим поради голем број случаи на заразени со коронавирус и повредени фудбалери во своите редови.

– По доставеното барање од Норич, Управниот одбор на Премиер лигата одржа состанок, и за жал, се согласи да го одложи натпреварот. Управниот одбор го прифати барањето на Норич, тимот бидејќи го нема потребниот број фудбалери на располагање поради случаи на коронавирус и повреди, се наведува во соопштението на англиската фудбалска лига.

Ова е втор одложен натпревар за Норич, а трет за Лестер сезонава.

Норич загуби на последните пет премиерлигашки натпревари без постигнат гол и е последен на табелата.