Политиката на новата влада на Бугарија кон С. Македонија е колеблива, вели бугарскиот европратеник, Ангел Џамбазки за Њуз.бг.
– Има сериозни колебања. Има две линии на политика, една линија е политиката на претседателот која, според нас, треба да се поддржи бидејќи се заснова на здравата бугарска позиција, вели Џамбаски.
Тој додава дека „другата политика што ја води премиерот е политика на одбивање да се заштити националниот интерес на полето на историјата, да се остават настрана важните прашања, не само историските“.
– Всушност, најважните прашања се правата на Бугарите во Македонија, а не’ залажуваат со хипотетички огромни деловни врски, откако пуштиле авион да лета празен во двата правци, за што ќе платиме секој од нас, вели Џамбаски.
