Советникот на украинскиот претседател Зеленски, Михаил Подољак денеска изјави дека рускиот предлог за демилитаризирана Украина, како Австрија, е неприфатлив.
Подољак, кој е и член на украинската делегација, за локалните медиуми изјави дека секој мировен договор мора да биде под украински услови кои го штитат нејзиниот суверенитет, пренесува Би-би-си.
„Го разбираме обидот на нашите партнери да останат проактивни во преговарачкиот процес“, рече Подољак, додавајќи дека оттука и зборовите за „шведскиот“ или „австрискиот модел“ на воена неутралност.
Прерано е да се открие каквов било договор меѓу Русија и Украина, изјави за Спутник портпаролот на Кремљ, Дмитриј Песков.
Тој изјави дека се подготвува план за решавање на ситуацијата во Украина.
