Македонија се најде на 5-то место на листата на 10 најсиромашни земји во Европа што ја објави „Трендинг њуз баз“.
Македонија, која стана независна во 1991 година, е петта најсиромашна земја во цела Европа. Економијата на Македонија, која има БДП по лице од 6.096 долари, се менува во голема мера во моментов. Повеќе од 90% од БДП земјата доаѓа од трговијата. Иако владата на Македонија добро се справи со реформите, има висока стапка на невработеност од околу 16,6%. Во еден момент, Македонија имаше највисока стапка на невработеност, која изнесуваше 38,7%, се вели во текстот.
На првото место на листата се најде Молдавија, втора е Украина, додека третото и четвртото место им припаѓаат на Косово и на Албанија.
Зад Македонија се најдоа Босна и Херцеговина, Беларусија, Црна Гора, Србија и Бугарија.
