Поранешниот американски претседател Доналд Трамп го критикуваше својот наследник во Белата куќа, Џо Бајден, затоа што нема да присуствува на крунисувањето на британскиот крал Чарлс Трети на 6ти мај во Лондон, затоа што според неговото мислење физички не е способен, а додека тој самиот доколку бил сѐ уште не претседателската должност сигурно во саботата би бил присутен на тој настан.
„Мислам дека тој физички не е способен за тоа… мислам дека тоа за неговото тело ќе претстава напор“, вели во интервјуто објавено во средата во GB News, 76-годишниот Доналд Трамп, кој четири години помлад од Џо Бајден.
Трамп го кажа тоа во интервјуто коешто го водеше Најџел Фараж, поранешен претседател на евроскептичната и противимигрантска британска партија UKIP кој по завршувањето на политичката кариера стана телевизиски водител.
Доналд Трамп, кој се надева дека на изборите во ноември 2024 година повторно ќе се соочи со Џо Бајден, истакна дека е „изненаден“ од изостанувањето на американскиот претседател од церемонијата на крунисувањето на британскиот монарх што го толкува како „голем недостиг од почитување“.
„Доколку јас бев сега во Белата куќа, сигурно би дошол“, рече Трамп кој интервјуто го даде на теренот за голф кој ги поседува во Шкотска.
На крунисувањето во саботата во Вестминстерската опатија, американскиот претседател ќе ги претставува неговата сопруга Џил Бајден.
До денес ниеднаш не се случило американски претседател да не присуствува на крунисување на некој британски монарх, потсетија неодамна американски и британски функционери.
Белата куќа инсистира на тоа дека недоаѓањето на Џо Бајден, кои инаку се гордее со своите ирски корени каде што неодамна беше во посета, не е „знак на презир“. И притоа додава дека „освен тоа“ ја „прифатил поканата на кралот за државна посета на Обединетото Кралство“.
