Американскиот претседател Џо Бајден (80) ја удри главата во рамката на вратата додека излегуваше од хеликоптерот на враќање кон Белата куќа.
Непријатната сцена, според Фокс њуз, била снимена само неколку часа откако тој паднал на бината за време на церемонијата на отворање на Академијата на воздухопловните сили во Колорадо.
Новинарите го чекаа Бајден на јужниот тревник на Белата куќа, па го снимија американскиот претседател како си ја удира главата во горниот дел од рамката на вратата додека излегуваше од хеликоптерот. На видеото, Бајден изгледа не е повреден, но ја триеше главата за да ја ублажи болката додека одеше по тревникот.
– Се сопнав од вреќи со песок – им рекол тогаш на новинарите, очигледно мислејќи на падот предизвикан од вреќа со песок на сцената.
Бајден им рече на новинарите дека „нема прашања“ пред да замине.
Американскиот претседател, да потсетиме, шокантно падна по почетното обраќање на церемонијата на дипломирање во Академијата на воздухопловните сили во четвртокот.
Тој пад брзо предизвика загриженост на социјалните мрежи од корисници загрижени за здравјето на претседателот.
