Данскиот министер за правда најави дека скандинавската земја ќе го забрани палењето на Куранот, светата книга на исламот.
Владата ги отфрли приговорите на некои дански опозициски партии дека ваквата забрана ќе ја наруши слободата на говорот, пренесува ДВ.
Министерот за правда Питер Хумелгард вели дека ќе донесе закон против „несоодветното ракување со предмети од значајно значење за верската заедница“. Тој додаде дека предложениот закон првенствено се однесува на палење и други сквернавења кои се вршат на јавни места.
„Предлогот ќе го направи казниво, на пример, јавното палење на Куранот, Библијата или Тората. Во основа, верувам дека има поцивилизирани начини за изразување на сопствените ставови отколку палење работи“, нагласи тој. Овој потег уследи по големиот број инциденти во последните месеци во кои луѓето јавно запалија или оштетија копии на Куранот во Данска и Шведска.
Актите предизвикаа бес во неколку муслимански земји и поттикнаа повици до нордиските земји да ја забранат оваа практика. Минатата недела, Шведска го подигна нивото на тревога за тероризам на второто највисоко ниво за прв пат од 2016 година поради стравувањата од напади од луѓе лути поради акциите.
