Генералното собрание на Обединетите нации со огромно мнозинство го осуди економското ембарго на САД против Куба.
Ембаргото го осудија 187 членки на ОН, додека САД и Израел беа против, пренесуваат американските медиуми,
Украина беше воздржана, додека Сомалија, Венецуела и Молдавија не гласаа.
Пред гласањето, шефот на кубанската дипломатија, Бруно Родригез, повика на поддршка за разумот, правдата, Повелбата на ОН и меѓународното право.
Родригез оцени дека целта на Вашингтон е да ја ослаби кубанската економија, да го направи народот гладен и очаен и да ја собори владата во Хавана.
Ембаргото беше воведено во 1960 година, по кубанската револуција предводена од Фидел Кастро и национализацијата на имотот што им припаѓа на американските граѓани и корпорации. сд/
фото:ЕПА
